A modificación do mapa de derivacions da Consellería de Sanidade, que obrigará a desprazarse a Compostela aos usuarios e aos familiares da sanidade pública do Área Sanitaria Norte de Pontevedra de seis especialidades médicas supón outro duro golpe a cidadanía do norte da provincia de Pontevedra, e tamén aos profesionais sanitarios do Área.

 

 A U.C. de CC.OO. de Pontevedra rexeita estas medidas polas seguintes razons:

 

          - Supón un incremento do custo

económico para as familias que teñen

que desprazarse para acompañar no

Hospital aos seus familiares ingresados,

e polo tanto, indirectamente, atenta contra

a gratuidade da sanidade pública.

 

- Deshumaniza a asistencia sanitaria pública

porque dificulta o acceso dos familiares e

amizades ás persoas que están ingresadas.

 

-Se institucionaliza dende a propia Xunta de

Galicia a discriminación na asistencia

sanitaria, establecendo cidadans de primeira

( que reciben a asistencia na sua propia área)

e de segunda ( quenes se teñen que desprazar).

 

-Consuma a descapitalización do Área Sanitaria Norte de Pontevedra, xa que vai estar dotada de menos recursos técnicos e de especialistas.

 

- Certifica a defunción do novo hospital público para Pontevedra, consagrando a histórica discriminación que vimos sufrindo no referente a asistencia sanitaria, xa que seremos a única área sanitaria de Galicia na que non se ten construido un novo hospital e, ademais confirma un novo incumplimento/engano dunha promesa electoral do Partido Popular.

         

A U.C. de CC.OO. de Pontevedra fai un chamamento a cidadanía a protestar e movilizarse unitariamente contra doutra nova medida de carácter absolutamente economicista da Xunta de Galicia, que deixa de lado as necesidades reais da cidadanía e comporta a institucionalización de galegos de primeira e galegos de segunda.